Во периодот од 5ти до 10ти Мај 2008 г. се реализира стручната ексурзија „Кнауф  и Партнери 2008“ на која приствуваа 30 архитекти од Македонија и Србија. Тие заедно со организаторите, Кнауф Македонија и Кнауф Србија посетија неколку Кнауф пунктови во Германија од каде се вратија побогати за нови сознанија и искуства.  На 7ми Мај имаа можност сите да присуствуваат и на познатата Кнауф Академија во централата на Кнауф во Ипхофен, Германија.

Како дел од програмата беа вклучени и посети на фабриката Кнауф Гипс КГ во Ипхофен каде освен разгледот на самата фабрика, беа посетени и лабораториите за испитувања на противпожарна и звучна заштита. Во гратчето Изерлон ја посетија централата на Кнауф УСГ Системс каде се одржа семинар за Aquapanel цементни плочи, како и самата фабрика.

Освен стручниот дел партнерите разменија и свои лични искуства од секојдневната работа со Кнауф материјалите и пошироко од архитектурата и градежништвото. Во рамките на екскурзијата имаа можност да направат и туристичка прошетка низ убавиот Нирнберг.