Во текот на изминатите години преку еднодневни и дводневни стручни семинари кои се одржуваа најпрво во центарот за образование во фабриката во Вајсенбах Австрија, а од пред две години во образовниот центар во фабриката во Дебар, потоа на градилиштата, во складовите и продавниците или во салите на презентации низ цела Македонија информирани се и стручно оспособени повеќе од 1.000 луѓе. Со нашите вкупни активности остваривме битно влијание на стручноста на македонските професионалци. Учебната 2003/2004 година ќе биде забележана како почеток во професионалното образование на учениците од 1 до 3 клас прку наставните планови во државното средно градежно училиште Здравко Цветковски во Скопје и УСО Нико Нестор во Струга.

Фирмата Кнауф се гордее со своето иновациски и развојно насочено производството и соодветната наобразба. Искуствата покажаа дека периодичната обука на професионални монтери по пат на семинари е неопходна за современ пристап кон работата и за запознавање на нови производи, системи, алати и техники во работењето. Архитектите и проектантите имаат можност и практично да ги видат новините од Кнауф и да се информираат за се “од прва рака”. За персоналот за продажба исклучително е важно да поседува стручно и детално познавање од областа на сувомонтажната градба, за да може на своите купувачи да им даде најдобра можна советодавна услуга.

Оваа година нудиме три основни типа на стручни семинари:

• Дводневно школување за монтери во фабриката Дебар МК V-1
• Еднодневен семинар за трговци во фабриката Дебар МК H-1
• Повеќечасовни стручни тематски собири за архитекти и проектанти

Во продолжението може да се пријавите со необврзувачка пријава за еден од понудените семинари. Бројот на учесниците на семинарите е ограничен на 20, термините се одредуваат според пристигнатите прашалници/пријави, а учесниците ќе бидат навремено известени.