Knauf      
 
Прва страница
Македонски | Shqip | Контакт | Мапа

Преградните ѕидови штитат од бучава, нудат топлотна заштита и штитат од пожар. Металната потконструкција од челични UW и CW профили обострано се обложува со еден, два или три слоја на Кнауф плочи.

 

Рационалност и заштеда на простор со Кнауф преградните ѕидови 
 
   
  Во меѓупросторот се става слој на изолација од минерална волна и можно е едноставно водење на сите инсталации како на пр. водоводни цевки и електрични кабли. Преградните ѕидови се идеално решение за внатрешната поделба на просторот во стан или куќа за простории со различна намена, како на пр. ѕид меѓу спална и детска соба или соба за дневен престој. Кнауф преградните ѕидови поради своите извонредни градежно-физички својства, се користат и за изработка на ѕидови помеѓу станови или како инсталациски ѕидови за вградување на санитарна опрема и инсталации од сите видови.
Главни предности на преградниот ѕид се:		  
Кнауф системите на преградни ѕидови се идеални за поделба на просторот
       
  Преграден ѕид со еднослојна облога          Преграден ѕид со двослојна облога

       

 

Флексибилност при одредување на основите

При проектирање на основи со Кнауф преградни ѕидови на метална потконструкција скоро и не постојат ограничувања. Дури и кај накнадни промени на просторот преградните ѕидови можат да се постават на секое сакано место, а по потреба таквиот преграден ѕид едноставно се демонтира.

Брзо вселување во просторот

Споевите на Кнауф плочите се исполнуваат и глетуваат веднаш по монтажата, а инсталациите се спроведуваат во ѕидниот меѓупростор за време на монтажата на ѕидните профили. Сето тоа може да се изведува во секое годишно време: сувата монтажна изведба не зависи од температурните и временските услови. Во вака уредените простори вселувањето може да биде веднаш, не е потребно време за сушење!


Топлотна изолација

Кнауф преградните ѕидови со изолација од минерална волна имаат одличи топлотно - изолациони својста. Температурата на ѕидните површини брзо се прилагодува на температурата на воздухот во просторијата; на тој начин ѕидовите, многу брзо се загреваат по вклучувањето на греење во просторијата.


Заштита од пожар

Гипсот е негорив градежен материјал - со Кнауф преградните ѕидови се задоволуваат и највисоки барања за противпожарна заштита.

 
Флексибилност при изработка на кружни форми.
 
 
 
Обработка

Едноставна и брза монтажа на Кнауф преградните ѕидови

 


На подот и околните ѕидови се обележува положбата на преградниот ѕид; со либела и рамна летва правецот се пренесува на таванот (да се внимава на отворот за врата)
 


 


Профилите се сечат по мерка со ножици за лим. На задната страна на подните, страничните и таванските профили пред прицврстувањето се налепува ПЕ дихт-лента за да се осигура дихтување на споевите на краевите на ѕидот..


UW профилот се прицврстува на подот и таванот. На растојание од 80см се отвараат дупки во подлогата во кои потоа се прицврстуваат ротационите типли.

 
 

Првиот вертикален CW профил се поставува во подниот UW профил и се израмнува со либела. Со ротациона типла профилот се прицврстува за ѕидот на секој 1,0 м
 

Потоа останатите CW профили се поставуваат во UW профилите на меѓусебно растојание од 60см.

Наредна фаза е обложување на едната страна на ѕидот со Кнауф плочи. Обложувањето започнува со цела плоча. Плочата се прицврстува за CW профилот со Кнауф брз шраф TN25.

 

За монтажа на утикачи се користат посебни ПВЦ дозни за гипсени ѕидови. Отворите за дозни во плочата се прават со кружна пила или убодна турпија. За да се обезбеди звучната и топлотна изолација, помеѓу профилите се става изолационен материјал од минерална волна. Потребно е изолациониот материјал да се обезбеди од свлекување и да биде поставен без прекини како и ефектот на изолација би бил целосен.

 


Потоа се изведуваат инсталатерските работи. Во ѕидниот меѓупростор има доволно место за сите електрични кабли; тие се провлекуваат низ предвидените отвори на CW профилот.


Потоа со Кнауф плочи се обложува и втората страна на ѕидот. Обложувањето започнува со половина плоча и со тоа споевите на плочите се разминуваат.
 
 
 
  назад

 
 
  Прицврстување на Кнауф плочите на потконструкцијата
 
Дебелина на плочата дрвена конструкција челична конструкција
2 x 12,5 мм TN 35 + TN 45 TN 25 + TN 35
2 x 15,0 мм TN 35 + TN 55 TN 25 + TN 45
 


                  Knauf © 2010