Деловни објекти, станови, јавни објекти

Висококвалитетните Кнауф производи споени во современи подни системи, се прилагодени за различни барања во праксата.
Кнауф нуди два различни системи на градба:
Кнауф самонивелирачки естрих – фабрички подготвен материјал кој на градилиште се меша со вода и машински се излева на подлогата или Кнауф Integral  повишен под – технологија на сува и флексибилна монтажа на пресувани гипсцелулозни плочи.

Кнауф – самонивелирачки естрих

Со Кнауф течниот самонивелирачки естрих едноставно се задоволуваат и најкомплицираните барања при поставување на подот. Подот може да се изработи дирекно на подлогата, врз разделен слој, на изолационен слој или врз подно греење.
Кнауф течниот естрих е готова фабрички припремена гипсена смеса изработена од анхидрид, посебни видиви на гипс и посебни додатоци на пр. кварцен песок.

Својствата на Кнауф течниот естрих се прилагодени за употреба во станбени, деловни и јавни објекти. Неговите главни предности се :

• цврстина при притисок и истегнување
• константна стабилност
• идеално рамни и мазни површини
• одлична топлотна проводливост
• дилатациони фуги се оставаат на 15м.
• брзина на поставување
• еколошки беспрекорен материјал
• за вообичаени завршни подни облоги
• како подлога за епоксидни премази

Изведба на повишен под со Кнауф Integral

Кнауф Integral е синоним за целокупна изградба на просторот во комбинација со инсталациската техника на објектот. При проектирање и изградба со Кнауф Integral подовите можни се решенија „по мера“ за инсталациските проблеми на објектите и за долгорочна флексибилност во намената на објектот.

Повишениот под Кнауф Integral обезбедува прегледно и флексибилно поставување на сите видови инсталациски водови под површинатана подот. Овозможен е брз и едноставен пристап на кабелските траси и обезбедено е целосно одржување на инсталациите со максимална удобност на користење на површината на подот.