Малтерите се фабрички подготвени и се испорачуваат во вреќи во прашкаста состојба; на градилиште машински се мешаат со вода и се нанесуваат на ѕидот или таванот,  со што се постигнува голема брзина на работа.

Модерната машинска техника овозможува беспрекорен и непрекинат тек на малтерисување и одлична компактност на површината. Лесната обработливост ги прави подобни и за големи и специфични  површини.

Малтерот машински се шприца под притисок и на тој начин се постигнува одлична врска со подлогата. Се нанесува еднослојно, во хоризонтална насока, од горе кон долу.	Саканата дебелина на малтер се постигнува со развлекување на материјалот со т.н. профилна летва. Потоа површината се извлекува со трапезна летва со што се добива рамна површина
Откако гипсениот малтер хемиски ќе се врзе со водата, површината лесно се навлажнува и се филца со кружни движења со сунѓереста папуча. Со тоа се врши фино распределување на малтерот.	Конечно, пред да стврдне, малтерот се глетува со што се добива мазна површина, која по сушењето е спремна за молерисување.

Целата постапка трае 3,5 до 4 часа. Времето помеѓу поедини фази на работа зависи од условите на градилиштето: од подлогата, од температурата, проветреност на просторијата и сл.