Битни моменти во дискусиите за примена на дрвото во градбата се екологијата и економичноста. Технички смислени решенија се остваруваат токму во индустријата на монтажни куќи, со комбинација на дрвената конструкција и сувата монтажна градба со гипсени плочи.

Во нашите краеви само 1% до 2% од станбените објекти се изградени од дрво. Во Скандинавија ги има повеќе од 90%, а во Северна Америка и Јапонија ги има приближно 70%. Меѓутоа состојбата постепено се менува. Најновите истражувања покажуваат дека се менуваат општествените вредности – младата генерација денес подобро ја прифаќа изградбата на куќите од дрво.

Градењето со дрво овозможува изработката на тесни и лесни констукции, потрошувачката на градежен материјал е помала, а со тоа и вкупната тежина е помала. Дрвените елементи се изработуваат во работилници и покасно се монтираат на градилиште, а завршните работи се изведуваат со сувомонтажна постапка со гипсени плочи. Времето на изградбата е значително помало, вкупните трошоци се помали. Може да се работи и при многу ниски температури а поради сувата монтажа отпаѓа времето потребно за сушење.

Дрвото е потребен и сигурен партнер во градбата

Дрвото бара ангажирање на стручни лица кои при изградбата обезбедуваат висок квалитет со сигурни конструктивни детали и точна изведба. Проектот е онолку добар колку што е квалитетен вградениот материјал. Стабилните Кнауф плочи и перфектната техника на обработка на споевите на плочите обезбедуваат изведба на тавани, ѕидни и подни површини без пукнатини и при тоа овозможуваат заштита од пожар и бучава.