По монтажата на плочите, исполнување на споевите и местата на шрафење, може да се започне со завршна обработка на површината.

Целата површина, вклучувајќи ги и фугите, мора да биде сува, цврста и без прашина. Малите нерамнини лесно се отстрануваат со парче шмиргла. При шмирглањето не смее да се оштети картонот.

За грундирање се применува Кнауф Grundiermittel – средство за грундирање или Кнауф Tiefengrud – темелен премаз. Грундирањето ја изедначува апсорпционата способност на картонот и фугираните површини и делува како дополнителна заштита од влага на плочите.
Кнауф плочите може и да се малтерисуваат. Во програмата на Кнауф постојат низа високо квалитетни минерални готови малтери. Пред нанесување плочите се грундираат со Кнауф Putzgrund.