Knauf

Izolimi I mire – kursim në të holla Veshje të mureve Knauf Nëqoftëse kërkohet përmirësim I izolimit termik dhe zanor punohen veshjet e mureve Knauf me nënkonstruksion metalik. Krahas dukjes më të mire të sipërfaqeve të mureve arrihet një izolim I shkëlqyeshëm termik dhe zanor. Të gjitha instalimet vendosen në zbrazëtirën e murit dhe në këtë mënyrë mbeten të “padukshme”. Nënkonstruksioni përpunohet nga profile të çelikut të zinktuar. Për përforcim të pllakave Knauf përdoren bulona special vetëshpues të tipit TN25 dhe TN35. Nënkonstruksioni metalik përbëhet prej profileve horizontal (perimetral) Knauf UD, dhe profileve vertikal (mbajtës) Knauf CD. Për një izolim më të mire zanor është e nevojshme që nënkonstruksioni metalik të distancohet nga muri masiv përafërsisht 50mm. Pllakat Knauf mund të vendosen në një shtresë apo dy. Tek montimi në dy shtresa duhet të kihet parasysh që shtresa e pare dhe e dytë duhet të vendosen të larguara nga njëra tjetra për gjysmën e gjërësisë së pllakës. Tek montimi I shtresës së dytë të pllakës është e nevojshme që të përdoren bulonat si më poshtë: Trashësia e pllakës: 2 x 12,5mm TN35 Trashësia e pllakës: 2 x 15,0mm TN45 Udhëzime për montim Veshje të mureve Knauf:
Para se të përforcohet në dysheme dhe tavan në profilet UD duhet të ngjitet PE shiriti vetëngjitës izolues prej gome për arsye të izolimit zanor; pastaj profili përforcohet me upa dhe bulona në dysheme dhe tavan në distancë prej 100cm.

Në lartësi të përafërt sa gjysma e lartësisë së murit vendosen mbajtësit akustik apo direkt me qëllim të përforcimit të profileve vertikale CD (distanca maksimale e mbajtësve është 150cm). Mbajtësit duhet të jenë të izoluar me shiritin izolues vetëngjitës PE.

Profili metalik Knauf CD 60/27 vendoset vertikalisht ndërmjet profilit UD poshtë dhe lartë në distancë prej 60cm. Pastaj me anë të bulonave për llamarinë përforcohet anash me mbajtësin e vendosur në mur (p.sh. mbajtës akustik).

Prej se janë vendosur instalimet dhe është vendosur izolimi, pllakat Knauf vendosen vertikalisht dhe përforcohen me nënkonstruksion me bulona vetëshpues TN. Distanca ndërmjet bulonave është max. 25cm. Sipas nevojës ndërmjet pllakave dhe profileve vendoset folje plastike.